بیسٹ اردو پوئٹری پی

بیگم صاحبہ کا موڈ سخت خراب تھا اور میاں جی کو جان کے لالے پڑے ہوئے تھے... اگرچہ وجوہات سے قطعی طور پر لاعلم تھے،،،، لیکن یقین رکھتے تھے کہ آنے والے طوفان کی زد میں ان کی ناتواں جان ہی آئے گی... اپنے تئیں بیگم کو منانے کی بھرپور کوشش میں ناکامی کے بعد میاں جی نے مارکیٹ کا رخ کیا اور بیگم کیلئے ایک سوٹ، پرفیوم اور لپ سٹک خرید لائے... بچوں کیلئے چاکلیٹس اور بسکٹس لئے اور ساتھ ہی بیگم کی پسند کے دہی بڑے پیک کروا لئے....

گھر پہنچے تو جیسا ماحول چھوڑ گئے تھے ویسا ہی پایا... تبدیلی نہ مزاج میں آئی تھی اور نہ ماحول میں...

ڈرتے ڈرتے بیگم کے پاس بیٹھے اور تحائف پیش کئے.. بچے چونکہ غیر سیاسی ہوتے ہیں...  لہذا وہ چاکلیٹس پر ہی خوش ہو گئے... 

بیگم صاحبہ نے سوٹ دیکھ کر منہ بنایا اور بولیں "آپ کو پتا بھی ہے کہ آپکو شاپنگ کی شناس نہیں ہے... پھر بھی باز نہیں آتے... اب تو ایسے سوٹ سیل میں بھی کوئی نہیں لیتا".... 

میاں جی کے اوسان خطا ہو گئے، بولے "بیگم، تم میری محبت دیکھو، سوٹ تو تبدیل بھی ہو سکتا ہے نا، اور یہ دیکھو پرفیوم اور لپ سٹک بھی لایا ہوں تمہارے لئے"... 

بیگم صاحبہ کچھ دیر کیلئے چیزوں میں کھو گئیں... اور بولیں "چلیں آپ لے آئیں ہیں تو رکھ لیتی ہوں، ورنہ ایسی چیزیں تو اب کام والی ماسیاں بھی نہیں لیتیں"....

میاں جی کو تھوڑی تسلی ہوئی کہ برف پگھلنا شروع ہو گئی ہے... بولے "بیگم یہ دیکھو دہی بڑے بھی لایا ہوں"... بیگم کے چہرے پر فوراً خوشی کے آثار دیکھ کر میاں جی جھوم اٹھے... 

بیگم دہی بڑوں کا شاپر کچن میں لے کر چلی گئیں، تو میاں جی نے سکھ کا سانس لیا... دوسرا سانس لینے سے پہلے بیگم کی آواز آئی... "چیکو کے ابا کب عقل آئے گی آپ کو" ... 

میاں جی دوڑے دوڑے کچن میں پہنچے اور خوشامدانہ لہجے میں گویا ہوئے "بیگم اب کیا کر دیا ہے معصوم بندے نے"... 

بیگم نے گھورتے ہوئے کہا  "آپکو پتا بھی ہے کہ میں میٹھی چٹنی علیحدہ سے کھاتی ہوں، آپ مکس کرا کے لے آئے ہیں... آپ سے کوئی کام سیدھا بھی ہوتا ہے"؟.... 

میاں جی نے کھسیانے انداز میں کہا  "بیگم اس خبیث کو کہا بھی تھا کہ میٹھی چٹنی الگ سے پیک کر دے، بے عزتی کرا دی میری، منحوس نے"...

دہی بڑے کھاتے ہوئے میاں جی نے ہمت کر کے پوچھا "بیگم ویسے آپ ناراض کس بات پر تھیں"... 

بیگم فوراً اداس ہو گئیں اور بولیں "چیکو کے ابا، آپ کو کیا فرق پڑتا ہے، آپ کی زندگی تو سکون میں ہے نا.. میں مروں یا جیئوں، آپ کو اس سے کیا"...

میاں جی گھبرا کر بولے  "ارے میری شہزادی کچھ بتاو بھی تو سہی، آخر کیا وجہ ہے تمہاری اداسی کی"... بیگم صاحبہ نے کہا "آپ دفتر سے آ کر اپنی امی کے پاس بیٹھ جاتے ہو، ٹی وی دیکھتے رہتے ہو یا موبائل میں گھسے رہتے ہو، ہمارے لئے تو آپ کے پاس ٹائم ہی نہیں ہوتا"...

میاں جی کو ایک طویل جنگ کے آثار دکھائی دینے لگے.... معاملات کو خوش اسلوبی سے نمٹانے کی غرض سے بولے "بیگم، تمہارا موڈ تو اکثر خراب ہوتا ہے، میں اس لئے سائیڈ پر ہو جاتا ہو، پھر تم بچوں کو پڑھا رہی ہوتی ہو تو تم لوگوں کو ڈسٹرب کرنا مناسب نہیں سمجھتا.... ویسے بھی تم 9 بجے سو جاتی ہو، میں تو گھر پر ہی ہوتا ہوں"... 

بیگم صاحبہ کا حوصلہ جواب دینے لگا، بولی‌ "خاک گھر پر ہوتے ہیں آپ.. پتا نہیں کون سی کلموہیوں سے باتیں کرتے رہتے ہیں موبائل میں... میری تو زندگی برباد ہو گئی،، آپکے بچوں کی ذمہ داری بھی مجھ پر، کچن بھی میں ہی دیکھوں، کپڑے بھی میں دھووں.. اور آپ "راجہ اندر" بن کر موبائل میں گھسے رہیں... پتا نہیں کس عذاب میں پھنس گئی ہوں میں".... 

بیگم کا نان سٹاپ ایکشن سے بھرپور ڈائیلاگ سن کر میاں جی کے چودہ طبق روشن ہو گئے، گھبرا کر بولے "ٹھیک ہے بیگم، آج سے تم کو مجھ میں تبدیلی نظر آئے گی"...

بیگم بولیں "چیکو کے ابا رہنے دیں، دس سال سے سن رہی ہوں آپ کے ڈائیلاگ، رتی بھر نہیں بدلے آپ... 

جتنے غیر ذمہ دار پہلے دن تھے آج بھی ویسے ہی ہیں". 

میاں جی نے بات بڑھانا مناسب نہ سمجھا اور بیگم کا ہاتھ تھام کر کہا "تم دیکھنا، تبدیلی نظر آئے گی"....

شام کو میاں جی روم میں آئے تو بیگم بچوں کو پڑھا رہی تھیں، میاں جی نے چہکتے ہوئے کہا "واہ جی واہ پڑھائی ہو رہی ہے"... بیگم صاحبہ بیزاری سے بولیں  "چیکو کے ابا، کل بچوں کا ٹیسٹ ہے، آپ ہمیں ڈسٹرب نہ کریں پلیز"... میاں جی کمرے سے نکل کر امی کے پاس جا بیٹھے... 

امی کے پاؤں دبانے لگے اور ساتھ ٹی وی دیکھتے رہے... کافی دیر بعد چیکو نے اپنے کمرے سے جھانک کر آواز دی "بابا، آ جائیں، مما بلا رہی ہیں".. 

میاں جی فوراً کمرے میں پہنچے... بیگم نے چیکو کو حکم دیا کہ لائٹ بند کر کے سو جاو سب.. صبح ٹیسٹ ہے تم لوگوں کا...

میاں جی بولے... "بیگم، مجھے جو بلایا تھا، اب سونے لگے ہو سب"... 

بیگم بولیں "آپ بھی چپ کر کے سو جائیں.. چھوڑ دیں جان اس موبائل کی"... چیکو نے لائیٹ بند کر دی،،، بیگم صاحبہ نے دونوں بچوں کو دائیں بائیں سلا لیا.. جبکہ میاں جی نیچے بچھے میٹرس پر سو گئے... 

نیند آنکھوں سے کوسوں دور تھی، رات بارہ بجے سونے والے کو نو بجے خاک نیند آنی تھی... 

ہلکی سی آواز میں منمنائے "بیگم اتنی جلدی مجھے کہاں نیند آئے گی بھلا"... بچے بھی بولے "ہاں بابا، باتیں کرتے ہیں"....

بیگم نے غصے سے کہا "اب کسی کی آواز آئی تو اسکی خیر نہیں"... دونوں بچے فوراً رضائیوں میں گھس گئے... میاں جی نے ہمت کر کے پوچھا "بیگم مجھے کہتی ہو وقت نہیں دیتا.... اب کمرے میں آ گیا ہوں تو کہتی ہو چپ کر کے سو جاو، یہ کیا بات ہوئی بھلا"... 

بیگم نے درشتت لہجے میں کہا "چیکو کے ابا، میرا بحث کرنے کا موڈ نہیں ہے.. چپ کر کے سو جائیں، اب موبائل نہ دیکھوں آپکے ہاتھ میں".... 

میاں جی نے جوابی چوٹ کی "یار یہ آخر بیویاں کون سے ادارے سے ٹریننگ حاصل کرتی ہیں، خدا کی پناہ.. سیدھی سادھی لڑکی شادی ہوتے ہی افلاطون کی خالہ بن جاتی ہے".

بیگم بولیں"چیکو کے ابا، میرا منہ نہ کھلواؤ اب، اچھی بھلی تھی جب اپنے ماں باپ کے گھر سے رخصت ہو کر آئی تھی.. ساری ٹریننگ ادھر سے ہی ملی ہے"... 

اس سے پہلے کہ میاں جی جوابی فائر کرتے، 

چیکو بول پڑا "مما، بابا... آپ لوگوں نے لڑائی کرنی ہے تو باہر جا کر لڑیں... ہمیں سونے دیں صبح ٹیسٹ بھی ہے"... 

چیکو کی بات ختم ہوتے ہی چٹاخ کی آواز سے چیکو کو تھپڑ پڑا اور کمرے میں سناٹا چھا گیا... میاں جی نے چپکے سے موبائل آف کر کے سائیڈ پر رکھا اور کمبل میں دبک گئے.... 

Episode 01 

محبت تم سے پیا

جب سے مناہل پیدا ہوئی تھی عامر کا یہ معمول بن گیا تھا کہ وہ دن میں کئی بار آفس سے کال ضرور کرتااور عالیہ سے مناہل کے بارے میں پوچھتا اور کہتا کہ میری بیٹی کیا کر رہی ہے عالیہ اسے اکیلا نہیں چھورا کرو مناہل کا بہت خیال رکھا کرو،دوسری طرف عالیہ بھی بہت پیار سے جواب دیتی آپ سے زیادہ مجھے اس کی فکر ہے میں اپنی جان سے زیادہ اس کا خیال رکھتی ہوں آپ فکر نہ کریں ، کیوں نہ کرو فکر عامر بات کاٹتے ہوئے کہتا مجھے علم ہے کہ تم ماں اور ہوشاید مجھ سے زیادہ خیال بھی رکھتی ہو مگر یہ میری زندگی ہے,عالیہ مسکرا کر جواب دیتی یہ ہماری زندگی ہے ، عامر جب بھی آفس سے گھر آتا تو سیدھا مناہل کے پاس جاتا اور اسے گود میں لے کر گھنٹوں اس سے باتیں کرتا ،عالیہ کہتی کہ آفس تھک کر آئیں ہیں فریش ہوجائیں کپڑے تبدیل کر لیں پھر لے کر بیٹھ جائے گا اپنی زندگی کو ،اس پرعامر کہتا تم باپ بیٹی کے درمیان میں نہ آوہمیں اسی طرح رہنے دو، عامراورعالیہ اکثر ویک اینڈ پر گھر سے باہر جاتے تومناہل ہی ان کی گفتگو کا موضوع ہو تی ، اور دونوں اس کامستقبل کے بارے میں باتیں کرتے۔ 

دن اسی طرح گزرتے رہے، عامر روز صبح آفس جاتے ہوئے عالیہ سے مناہل کا خیال رکھنے کی تاکید کر کے آفس کے لئے روانہ ہوجاتا عامر کے جانے بعد عالیہ گھر کے کام کاج میں مصروف رہتی اور ساتھ ہی مناہل کا بھی خیال رکھتی ، ویسے تو عالیہ بہت خوش لباس تھی اور ہمیشہ ہی اچھے ڈریس پہنتی لیکن پھر بھی ایک دن اس نے عامر کو سرپرائز دینے کے بارے میں سوچا ،وہ گھر کے کام سے فارغ ہوکر ایک خوبصورت سا ڈریس اور جیولری پہن کر اچھا سا میک اپ تیار ہو گئی اور عامر کا انتظار کرنے لگی ۔دروازے پر دستک کی آوازکے ساتھ ہی عالیہ بہت خوشی سے دروازہ کھولا توعامر نے سرسری سی نظر عالیہ پر ڈالی اور کہا.

Episode 02

محبت تم سے پیا

خیریت کہاں کی تیاری ہے اور اپنے کمرے میں لیٹی ہو مناہل کو کود میں لے کر اسے باتیں کرنے لگا اس پر عالیہ نے کہا میں اتنی وقت لگا کر تیار ہوئی ہوں اور آپ نے نہ میری طرف دیکھا اور نہ ہی تعریف کی اس پر عامر نے کہا اتنا وقت لگا کر تیار ہونے کے لئے کس نے کہا تھا، ویسے اچھی لگ رہی ہو مگر میری بیٹی سے زیادہ نہیں عالیہ اس بات پر مسکراکر کچھ سوچنے لگ گئی، اس کے بعد عالیہ گھر کے کام کے ساتھ عالیہ تو خیال رکھتی مگر اب اپنے آپ توجہ نہیں دیتی،عامر ہر بار کی طرح روزانہ کال کرتا مگر وہ کام کا بہانہ بنا کر بات نہیں کرتی اسے پتا تھا کہ عامر اس سے زیادہ مناہل کے بارے میں بات کرے گا۔ 

دن اسی طرح گزرتے رہے عا لیہ اب آہستہ آہستہ گھر کے کام کاج سے بھی دور ہوتی جارہی تھی ،ایک دن عامر نے عالیہ سے بہت پیار سے پوچھا کہ تمھیں کیا ہو گیا لگتا ہے تمھاری طبیعت ٹھیک نہیں ہے ، تو اس نے جواب دیا کہ نہیں میں بلکل ٹھیک ہوں بس کچھ تھکن ہے ٹھیک ہو جائی گی،عامر اس کے جواب سے مطمئین نہیں ہو اور اور اس نے اپنی والدہ کو کال کر کے گھر آنے کو کہا ،عامر کی والدہ سکینہ بیگم نہایت نفیس خاتون تھی انہوں اکر گھر کا سارا کام سمبھال لیا اپنی بہو کابھی خیال رکھنا شروع کردیا اور عامر سے کہنے لگی تم میری بہو کا بلکل خیال نہیں رکھتے تو اس کا کیا حال ہو گیا ہے اس پر عامر نے کہا کہ میں سارا دن آفس میں ہو تا ہو ں لیکن جہان تک ممکن ہو تا ہے میں خیال رکھتا ہوں اسے بھی چاہئے کہ اپنا خیال رکھے اور مناہل کا بھی،سکینہ بیگم کے آنے پر عالیہ کی طبعیت کچھ بہل گئی اور وہ دوبارہ نارمل زندگی کی طرف آنے لگی ،اسے دیکھ عامر کی والدہ نے کہا اب میری بہو ٹھیک ہو گئی ہے تم اس کا خیال رکھنا ،اور وہ کچھ دن کے بعد اپنے گھر واپس چلی گئی، لیکن ئن کے جانے کے بعد عالیہ دوبارہ اپنی پہلے والی کیفیت میں آگئی ،مگر اس عامر نے اپنی والدہ کو نہیں بلایا ، لیکن اب عامر آفس جاتے ہوئے گھر کی چابیاں ساتھ لے جاتا تا کہ دووازہ کھولنے کے لئے عالیہ کو پریشان نہ ہونا پڑے ۔

Episode  03

محبت تم سے پیا

دن اسی طرح گزرتے رہے ، اب مناہل چھ ماہ کی ہو گئی تھی اور اسی لحاظ سے اس کی غذاکا بھی خیال رکھنا پڑتا تھا مگر عا لیہ کی توجہ آہستہ آہستہ اب مناہل سے بھی دور ہوتی جارہی تھی ۔اور کچھ دنوں بعد مناہل بیمار ہو گئی ڈاکٹرکو دیکھانے پر پتا چلا کہ مناہل کو غذا کی کمی ہو گئی ہے عامر نے عالیہ سے کہا تم اسے وقت کھانا نہیں کھلاتی ،عالیہ نے کہا میں وقت پر ہی کھانا دیتی ہوں تو عامر نے قدرے سخت لہجے میں کہا تو پھر غذا کی کمی کیسے ہو گئی دیکھو عالیہ تمھارے ساتھ جو بھی مسئلہ مجھے بتا دو ،نہ تم اپنا خیال رکھتی ہو اور نہ ہی مناہل کا اتنے میں مناہل رو نے لگ گئی تو عامر نے کہا اس کا کھانا لا کر دو میں خود کھلاؤں گا ،عامر کو مناہل کاکھانا دے کرعالیہ ایک طرف بیٹھ گئی۔ پھر ایک دن عجیب وقعہ پیش آیا ،عامر کے پاس گھر کی چابیاں تو موجود ہوتی تھی۔

ایک دن وہ آ فس سے جلد ی گھر آگیا اور دروازہ کھول کر اندر آیا تو دیکھا عالیہ مناہل کو اٹھا کر زمین پر پھینک رہی تھی تو عامرنے چیخ کر کہا! عالیہ یہ تمھیں کیا ہوگیا ہے تم ایسا کیوں کر رہی ہو دیکھو یہ کتنی معصوم ہے ابھی چند ماہ کی ہے تمھیں تو ماں بننے کی بہت خواہش تھی اب اللہ نے تمھیں اپنی اتنی پیاری رحمت سے نوازا ہے تو تم کیوں ایسا کیوں کر رہی ہو، تم ایسی تو نہیں تھی ،عالیہ فوراً عامر کے سامنے ہاتھ جوڑ کرکہا ،مجھے معاف کردو مجھے نہیں پتا کیا ہوگیا تھا اب میں اس کا خیال رکھو گی بس تم مجھ سے ناراض نہ ہوا کرو عامر نے ننھی مناہل کو عالیہ کی گود میں دیتے ہوئے کہا ۔مجھے لگتا ہے اسے نیند آرہی ہے اسے سلادو عالیہ نے مناہل کو گود میں لیتے ہی پیار کرنا شروع کر دیا اسی دوران عامر کا موبائل بجنا شروع ہو گیا ،عامر نے کمرہ سے باہر آکر کال ریسیو کی تو دوسری طرف اس کا دوست اور آفس کو لیگ حمزہ بات کرہا تھا،ہیلو عامرکیا حال ہے، تم نے میل چیک کی کاباس نے تمھیں صبح رپورٹ دینے کو کہا ہے تم نے بنا لی ہے، عامر کے حواس جو ابھی مکمل بحال نہیں ہوئے تھے، 

اس نے اپنے آپ کو سنبھالتے ہوئے جواب دیا آج میں نے میل نہیں چیک کی ،حمزہ نے عامر سے کہا تمھاری طبیعت تو ٹھیک ہے کیا بات ہے کچھ پریشان لگ رہے ہو مناہل تو ٹھیک ہے عامر نے کہا مناہل ٹھیک ہے مگر عالیہ کی طبیعت ٹھیک نہیں ہے اسے نا جانے کیا ہوگیاہے آج وہ مناہل کو مارنا چاہ رہی تھی میں وقت پر آگیا ورنہ نا جانے کیا ہوجاتا ایک بار پہلے بھی ایسا ہی واقعہ ہوا تھا اسے میں نے اپنا وہم سمجھا کیوں کہ اس وقت وہ خود ہی صفائی دینے لگ گئی تھی یہ گر رہی تھی میں دیکھ لیا ۔مگر آج تو حد ہو گئی مجھے نہیں سمجھ آرہا یہ کیا ہو رہا ہے ا س پرحمزہ نے کہا کوئی بات ضرور ہے ایک ماں کبھی اپنی اولاد کی دشمن نہیں بن سکتی تم پیار سےبھابھی سے پوچھو، اور مناہل کے پاس ہی رہو باقی کل آفس میں بات کرتے ہیں اللہ حافظ.

Episode 04

محبت تم سے پیا

فون بند کرکے عامر نے اپنی امی کو کال کرکے گھر آنے کو کہا اور پھر کمرے میں مناہل جو اب تک سو چکی تھی اس کے قریب آکر لیٹ کر گیاعالیہ کے بارے میں سوچنے لگا۔وہ شوخ وچنچل عالیہ کہاں کھو گئی ۔ اور اس کی آنکھوں کے سامنے پچھلے چار سال کسی فلم کی طرح صورت گزنے لگے اسے یاد آرہا تھا کہ عالیہ سے اس کی پہلی ملاقات کس طرح ہوئی تھی عالیہ او ر عامر ایک ہی یونیورسٹی میں پڑھتے تھے ہوا کچھ یوں تھا عالیہ سے Orientation کی Date مس ہو گئی تھی Orientation کے دوسرے دن سے کلاسز شروع ہوگئی تھی اور عالیہ ایک ہفتے بعدیونیورسٹی آئی تھی جب عالیہ یونیورسٹی پہنچی تو کلاس شروع ہو چکی تھی اس لئے اسے سب سے پیچھے جاناپڑا عامر کا بیگ سیٹ پر رکھا ہوا تھا اس نے اپنا بیگ اٹھا کر عالیہ کو بیٹھنے کو کہا عالیہ نے عامر کا شکریہ ادا کیا اور بیٹھ گئی ۔

کلاس ختم ہو نے کے عالیہ نے CRسے کہا وہ یونی ایک ہفتے بعد آئی ہے اسے پچھلے لیکچر چا ہئے وہ کس طرح ملے گے ، اس پر CR نے کہا میں آپ کو کلاس کے whatsapp group میں add کرلیتی ہوں وہاں پر لیکچر کے لئے میسج کر دیں کسی سے بھی آپ کو مل جائیں گے۔عالیہ نے میسج کر دیا تو عامر نے Reply کیا،اور کہا کلاسز ختم ہو نے پر لائبریری میں مل لیں ،دونوں کی باقائدہ پہلی ملاقا ت وہی ہو ئی عامر نے عالیہ کو نہ صرف تمام نوٹس دئیے بلکہ یہ بھی آفر کی جو سمجھ نا آئے وہ مجھ سے پوچھ سکتی ہیں ،اس کے بعد عالیہ اور عامر کے درمیان اچھی ہم آہنگی ہو گئی اوروہ دونوں ساتھ ساتھ رہنے لگے۔ عامر اورعالیہ دونوں ہی کا تعلق اچھے گھرانے سے تھاعالیہ کی بڑی بہن شادی شدہ تھی اور امریکہ میں مقیم تھی, جبکہ عالیہ کے والدایک ملٹی نیشنل کمپنی میں جاب کرتے تھے ۔عامر کے والدین اور تایا تائی ساتھ رہتے تھے تایا کی کوئی اولا نہیں تھی جبکہ عامر کا ایک چھوٹا بھائی تھا ۔ 

عامر کے والد بزنس مین تھے۔ پڑھائی کے دو سال کیسے ختم ہو گئے بتا ہی نہیں چلا پہلے پہل ان دونوں کے درمیان صرف اچھی دوستی تھی مگر وقت گزرنے کے ساتھ ہی یہ دوستی محبت میں بدل گئی ۔دونوں پڑھائی کے دوران بھی اکثر لنچ یا ڈنر باہر کرتے تھے ۔پڑھائی کے دوران عامر اپنے والد کے بزس کو بھی ٹائم دیتا تھا اور ساتھ ساتھ MBA بھی کررہا تھا۔لیکن MBA کرنے کے بعد اس نے جاب کرنے کا ارداہ کیا اور جلد ہی اسے اچھی جاب مل گئی ۔

Episode 05

محبت تم سے پیا

لیکن وہ بزنس کو بھی ٹائم دیتا تھا۔ایک دن عامر نے عالیہ سے کہا کہ میں اب اس قابل ہوں چکا ہوں کہ تمھارے گھروالوں سے تمھارا ہاتھ مانگ سکوں ۔ میں اپنے والدین کو رشتے کے لئے تمھارے گھر بھیجنا چا ہتا ہوں ۔تم اپنے والدین سے بات کرو۔عالیہ نے گھر والوں سے سے بات کی انہیں زیادہ اعتراض نہیں ہوااور اس رشتہ میں بظاہر کو ئی خامی بھی نہیں تھی دوسری طرف عامر کے والدین کھلے ذہن کے مالک تھے دونوں طرف سے یہ رشتہ خوشی خوشی طے پاگیا. 

عامر نے اپنے لئے ایک الگ گھر خریدا تا کہ وہاں وہ دونوں اپنی زندگی کانیا سفر شروع کریں, اور چند ماہ بعد عالیہ عامر کی دلہن بن کر اس کے کمرے میں موجود تھی, عامر نے عالیہ کو دیکھ کر کہا آج میں بہت خوش ہوں، میں نے کبھی سوچا نہیں تھاکہ ہماری شادی اتنی آسانی ہو جائی گی شکر اللہ کا ۔عالیہ نے شرماتے ہو ئے کہا میں بھی بہت خوش ہوں آپ کو پا کر گویا میری زندگی مکمل ہو گئی ہے ،عامر نے عالیہ کا ہاتھ تھام کر کہا مانگو آج کیا مانگتی ہو ،عالیہ نے کہا مجھے صرف آپ کی محبت چاہئے ،کبھی اس میں کمی نہ آئے، میں سب کچھ برداشت کر سکتی ہوں مگر آپ کی بے رخی نہیں ،آپ کے اور میرے درمیان کو ئی بھی ایسا نہ آنے پائے جو اس پیار ومحبت میں کمی کا سبب بنے۔

Episode 06

محبت تم سے پیا

عامر نے عالیہ کے ہاتھوں کو پیار سے چوما اور کہا میں وعدہ کرتا ہوں ایسا ہی ہو گا،وقت کے ساتھ یہ محبت بڑھے گی ،کم نہیں ہو گی، دروازے کی بیل کی آواز سے عامر کی آنکھ کھلی, اس نے اٹھ کر دروازہ کھولا تو اس کے والدین سامنے کھڑے تھے . سکینہ بیگم نے کہا کیا ہو ا سب خیریت ہے عالیہ کی طبیعت تو ٹھیک ہے, عامر نے عالیہ کی تمام روداد بیان کی تو سکینہ بیگم کافی پریشان ہو گئی اور کہا اب مناہل کو عالیہ کے پاس اکیلا نہیں چھوڑنا چاہئے جب تک اس کی طبیعت ٹھیک نہیں ہو جاتی اور پھر سکینہ بیگم نے عالیہ سے بہت پیار سے اس بارے میں پوچھا تو اس نے اس بات کا کچھ خاص جواب نہیں دیا اور کہا کہ امی نہیں پتا مجھے کیا ہو گیا تھا ،ارو پھر وہ ان سے گلے مل کر رونے لگی ۔

سکینہ بیگم نے عالیہ کو پیار کیا اور کہا سب ٹھیک ہو جائے گا چلو تم سو جاؤں میں مناہل کو دیکھ لوں گی۔ دوسرے دن عامر جب آفس پہنچاتوحمزہ نے اس سے کہا کہ مجھے لگتا ہے کہ بھابھی کے ساتھ کوئی نفسیاتی مسئلہ ہے، کیوں نہ کو کسی سائیکولو جسٹ کو دکھا دیا جائے شاید کوئی حل نکل آئے، عامر نے اس کی بات کے اتفاق کیا او رکہا کہ ٹھیک ہے اس پر حمزہ نے کہا میرا کزن سائیکولوجسٹ ہے ابھی اس سے کال کر کے بات کرتا ہوں، آفس کے بعد دونوں ڈاکٹر احسن کے کلینک پہنچے اور عالیہ تمام کیفیت بیان کی ڈاکٹرا حسن نے دوسرے دن گھر آنے کا وعدہ کیا.

Episode 07

محبت تم سے پیا

اور عامر کو تاکید کی کہ عالیہ سے نہایت محبت سے پیش آئے ۔دونوں نے اجازت طلب کی اور حمزہ نے کہا کہ کل آفس کے بعد میں اور ڈاکٹرتمھارے گھر آئیں گے فکر نہیں کرو انشاء اللہ سب ٹھیک ہو جائے گا ۔ گھر آکر عامر اپنی امی سے کہا اس بارے میں بات کی تو سکینہ بیگم نے کہا مجھے نہیں لگتا کہ اسے کوئی نفسیاتی مسئلہ ہے۔ بس کو ئی بات ہے جو یہ کہنا نہیں چا رہی ہے اور وہ اسے پریشان کر رہی ہے ،عامرنے کہایہی بات توڈاکٹر آکر معلوم کریں گے۔اور آج عالیہ کی طبیعت کیسی رہی ،سکینہ بیگم نے کہا کہ ٹھیک نہیں تھی بلکل خاموش ۔ 

عامر نے اپنی امی سے کہا کہ آپ مناہل سے اس بارے میں بات نہیں کیجئے گا، میں مو قع دیکھ کر بات کر لوں گا مجھے یقین ہے کہ عالیہ اس بارے میں کچھ نہیں کہے گی کیوں کہ وہ خود بھی اس کیفیت سے نکلنا چاہتی ہے ۔سکینہ بیگم نے کہا ! بیٹاجو تم مناسب سمجھو اس کے بعد انھوں نے کھانا لگایا اور سب نے ساتھ مل کر کھانا کھایا، تو اسی دوران مناہل کی رونے کی آواز آئی تو عامر کی والدہ نے کہا عالیہ تم کھانا کھاؤں میں دیکھتی ہو ں ۔ عامر نے عالیہ کی طرف پیار سے دیکھا اور کہا کیسی طبیعت اب تمھاری ۔ عالیہ نے کہا ٹھیک ہے ۔عامر نے کہا ٹھیک نہیں ہے مجھے وہ پہلے والی شوخ و چنچل ہر بات پر ہنسنے مسکرانے والی عالیہ چاہئے۔پھر اس نے سنجیدہ لہجے میں کہا کہ میں نے اپنے دوست حمزہ سے تمھاری کیفیت کا ذکر کیا تو اس بتایا کی اس کا کزن سائیکولوجسٹ ہے ۔ 

آج میں اور حمزہ اس کے پاس گئے تھے اور تمھاری کیفیت بھی بتا دی ہے وہ کل ہمارے گھر آئیں گے تم سے بات کریں گے شایدہم تمھاری کیفیت سمجھ نہیں پا رہیں ہیں وہ سمجھ جائے اور کو ئی حل نکل آئے ۔

Episode 08

محبت تم سے پیا

ایک ہفتے بعد ڈاکٹر پھر آئے اور عالیہ کا سشن شروع ہوا اس بار ڈاکٹر نے عالیہ کو آنکھیں بند کرکے اسکی باتوں کو غور سے سننے کو کہا وہ ایک طرح کی تھیریپی کر رہے تھے ۔اس کے بعد انھوں عالیہ سے پوچھا کہ آپ کو کیا نظر آیا ہے عالیہ کہا عامر! اچھا اب آپ اپنی آنکھیں کھول لیں اس تھیریپی کے بعدعالیہ کو اپنا جسم بہت ہلکا محسوس ہوا اس کے بعدڈاکٹر نے عالیہ سے پوچھا کہ مناہل تو آپ بیٹی ہے اس پر عالیہ کی آنکھوں میں آنسو آگئے اورا س نے کہنا شروع کیاکہ میں عامر سے بے پناہ محبت کرتی تھی میری زندگی کی ہر خوشی اسی سے شروع ہو تی تھی اور اسی پر ختم ۔جب میں ماں بنی تو بھی میری خوشی کا ٹھکانہ نہیں تھا ،لیکن مناہل کے بعد عامر نے مجھے اگنور کرنا شروع کر دیا اسے صرف مناہل نظر آتی تھی میں نہیں ۔ 

عالیہ اب آواز کے ساتھ رونے لگی ڈاکٹر نے اسے پانی دیا۔کچھ توقف کے بعد پھر اس نے کہنا شروع کیا یہ سب مناہل کی وجہ سے ہو ا ہے میں یہ چاہتی ہو ں کہ یہ نہیں ہو گی تو عامر کی محبت مجھے پھر سے مل جائے گی یہ کہہ کر وہ اور بھی رونے لگی ڈاکٹر نے کہا ،اچھا یہ بتاؤ اسی کی وجہ سے کیا آپ دونوں کا رشتہ اور بھی مضبوط نہیں ہو گیاہے یہ تحفہ تم نے عامر دیا ہے عامر تم سے دور نہیں ہو ابلکہ اور بھی قریب ہو گیا ہے ۔کیونکہ تم مناہل کی ماں ہو ۔عالیہ یہ سن کر کچھ دیر کے لئے خاموش ہو گئی جیسے اسے کوئی سہارا مل گیا ہو ۔اس کے بے چین دل کو قرار آگیا ہو ۔اس نے اس انداز میں پہلے کبھی نہیں سوچا تھا ۔اس نے داکٹر سے کہا آپ ٹھیک کہ رہیں ہیں ۔

آخری قسط

Episode  09

محبت تم سے پیا

اس کے بعد وہ کمرے باہر چلی گئی اور مناہل کو گود میں لے کر رونے لگی ۔ڈاکٹر نے عامرکو دوسرے دن آفس کے بعدملنے کو کہا۔ اور اجازت لے کر چلا گیا ۔دوسرے دن عامر اور حمزہ ڈاکٹر احسن کے پاس بیٹھے ہو ئے تھے ڈاکٹر نے کہا عالیہ صرف آپ کی محبت چاہتی ہے جس طرح آپ پہلے اس سے محبت کرتے تھے اسی انداز کو پھر اپنائیں مناہل ابھی بہت چھوٹی ہے اسے یہ نہیں احساس اسے کون پیا ر کر رہا ہے اور کون اس کا خیال رکھ رہا ہیب مگر عالیہ کو ان ساری باتوں سے فرق پڑتا ہے اور پڑ رہا ہے عامر یہ سن پریشان ہو گیا کہ بیٹی سے محبت بھی کیا کوئی پریشان ہو سکتا ہے ۔لیکن آپ فکر نہ کریں میں اب اسے طرح ملوں گا جیسے وہ چاہتی ہے۔ 

اس بار جب عامر گھر جانے لگا تو عالیہ کے لئے اس نے گجرے خریدے ، اورفون کیا ،عالیہ نے فون ریسیو کیا اس پرعامر نے بڑے شوخ انداز میں کہا کہ جی جناب کیا حال ہیں آپ کے یہ سن کر عالیہ چونک گئی۔ مناہل ٹھیک ہے عالیہ نے کہا اس پر عامر نے کہا میں نے مناہل کا نہیں تمھارا حال پو چھا ہے ۔اور جہاں تک مناہل کی بات ہے وہ تو اچھی ہی ہو گی کیونکہ تمھاری بیٹی جو ہے اس پر عالیہ کے آنکھوں سے آنسو جاری ہو گئے اس نے فون بند کر دیا۔گھر آکر عامر نے عالیہ کے دونوں ہاتھوں کو تھام کر کہا یہ بات تم مجھ سے پہلے بھی کہہ سکتی تھی میری وجہ سے تمھیں کتنی تکلیف ہو میں معافی چاہتا ہوں اس نے عالیہ کے ہاتھوں چوم کر اپنے ہاتھوں سے گجرے پہنائیں۔اب عامر کا روز کا معمول تھا کہ وہ آفس کال اب بھی کرتا تھا مگر صرف عالیہ کے لئے۔ کچھ دن میں عالیہ میں حرت انگیز تبدیلیاآنا شروع ہو گئی اس نے سجنا سنورنا شروع کر دیا اور مناہل کے ساتھ گھر کا بھی خیال رکھنا شروع کر دیا۔

دوستوں اس کہانی کا مقصد صرف اتنا تھا کہ ہماری چھوٹی چھوٹی باتیں کبھی بڑا طوفان کھڑا کر دیتی ہیں ہر رشتہ اہمیت کا حامل ہو تا ہے نئے رشتہ بننے کا مطلب یہ نہیں کہ پرانے رشتے اپنی اہمیت کھو دیتے ہیں، ہر ایک کو اس کا مقام دینا ضروری ہے ،تب ہی گھر ایک جنت بنتا ہے۔

1

ایک پٹھان نے روزہ رکھا ،دوپہر کو ہی اس کا برا حال ہو گیا ۔ٹائم گزارنے کے لےے اس نے FM ریڈیو فون کیا میزبان نے پوچھا۔

”خان صاحب کیا سننا پسند کریں گے “۔

پٹھان بولا ”بھائی جان مغرب کی آذان سنا دو ۔“

2

ایک سردار سے انٹر ویو لینے والے نے پوچھا تمہارا نام ؟

سردار بولا ”سندر لال چڈا ۔“

”Speak in English“ : آفیسر

”Beautiful red under wear “ :سردار

3

لڑکی پٹھان سے ”میری امی کو تم بہت پسند آئے ہو ۔“

پٹھان شرماتے ہوئے :”کچھ بھی ہو پر ہم شادی تم سے ہی کرے گا ،خالہ سے بولو ہم کو بھول جائے۔“

4

سردار نے تقریر کرتے ہوئے کہا۔”کسی کو میری بات پہ اعتراض تو نہیں ؟“

ایک آدمی اٹھ کر بولا۔ ”جی مجھے ہے ۔“

سردار نے کہا ۔ ”تم جاو¿ جہنم میں ........ ہاں بھئی اور کسی کو اعتراض ہو ؟“

5

شیخ میمن سے ”لیجئے نا اور رس گلہ ؟“

میمن نے کہا ۔ ”نہیں شکریہ میں پہلے ہی چارلے بیٹھا ہوں ۔“

شیخ بولا ”خیر لےے تو آپ نے سات ہیں مگر یہاں گن کون رہا ہے ؟“

6

بچہ اپنی دادی سے۔”دادی کیا ہم ہمیشہ پانچ ہی رہیں گے ؟میں باجی آپ امی اور ابو بس ؟“

دادی پیار سے بولی ”نہیں بیٹا جب تیری شادی ہو جائے گی توہم چھ ہو جائیں گے ۔“

بچہ :” باجی کی شادی ہو گی تو ہم پھر پانچ ہو جائیں گے“۔

دادی۔ ”جب میرے لال کا بیٹا ہو گا تو ہم چھ ہو جائیں گے ۔“

بچہ ”دادی پھر آپ مر جائیں گی تو ہم دوبارہ پانچ ہو جائیں گے “۔

دادی ۔”لخ دی لعنت تیرے تے بے غیرت دے آ پترا سو جا چپ کر کے “۔

7

ایک آدمی کا انتقال ہوا اس کا دوست اس کی بیوی کے پاس آیا اور بولا ۔

”کیا میں مرحوم کی جگہ لے سکتا ہوں ؟“

ا دوست کی بیوی بولی ۔”مجھے کوئی اعتراض نہیں آپ گورگن سے پوچھ لیں “۔

8

لڑکا فون پہ ۔”پلیز مجھے کچھ لطیفے ایس ایم ایس کرو ۔“

لڑکی ۔”سوری میں نماز پڑھ رہی ہوں “۔

لڑکا ”ہا ....ہا....ہا....بس اسی طرح کے چند اور بھیج دو “۔

9

صدقہ دینے سے ہر بلا ٹل جاتی ہے سوائے اس کے جو آپ کے نکاح میں آ گئی ہو ۔

10

پٹھان چرس پیتے ہوئے بیوی سے ۔”تم کون ہو ؟“

بیوی نے کہا ۔”پاگل ہو گئے ہو ....کیا اپنی بیوی کو ہی بھول گئے ؟

پٹھان نے جواب دیا ۔”نشہ ہر غم بھلا دیتا ہے باجی “۔

11

پٹھان سعودی عرب گیا اسے عربی نہیں آتی تھی ۔ٹیکسی میں بیٹھا راستے میں اسے سمجھ نہیں آ رہی تھی کہ ڈرائیور کو کیا کہہ کر روکے ۔آخر کافی دیر سوچنے کے بعد اس نے ڈرائیورکے کاندھے پہ ہاتھ رکھ کر کہا۔

”صدق اللہ العظیم “۔

12

پہلوان کی ٹانگ نیلی ہو گی ۔حکیم کے پاس گیا ۔اس نے معائنہ کر کے بتایا 

”زہر پھیل رہا ہے ....ٹانگ کاٹنی پڑے گی “۔

تین دن بعد پہلوان کی دوسری ٹانگ بھی نیلی ہو گئی ۔ دوبارہ حکیم کے پاس گیا ۔ اس نے کہا ۔”یہ بھی کاٹنی پڑے گی “۔اس طرح اس کی دنوں ٹانگیں کاٹ کے پلاسٹک کی لگا دیں ۔چند دن بعد پلاسٹک کی ٹانگیں بھی نیلی ہو گئیں۔ وہ دوبارہ حکیم کے پاس پہنچا ۔اس نے معائنہ کیا اور کہا۔

”اب سمجھ آئی ....پریشان ہونے کی ضرورت نہیں,تمہاری دھوتی کا رنگ اتر رہا ہے ۔ “۔

13

سکھ دو سال کی ٹریننگ کے بعد جب محاذ پہ گیا تو اس نے اپنے آفیسر سے پوچھا ۔

”سر بیرل کا رخ اپنی طرف کرنا ہے یا دشمن کی طرف ؟“

آفیسر نے کہا ۔”بیٹا تو جدھر بھی کر لے فائدہ ملک کا ہی ہے “۔

14

دو پٹھانوں کو طالبان نے پکڑ لیا ۔پوچھا ۔ ”کون ہو ؟“

کہا ۔”ہم مسلمان ہیں ؟“

پہلے سے پوچھا ۔”نام کیا ہے ؟“

کہا ”اخلاص خان “

بولے ”سورة اخلاص سناو¿ ؟“اس نے سورة اخلاص سنائی تو اسے چھوڑ دیا اور دوسرے سے پوچھا ۔”تمہارا کیا نام ہے ؟“

وہ گھبرا کے بولا ۔”نام تو یسین خان ہے مگر پیار سے کوثر کہہ کر بلاتے ہیں “۔

15

ٹیچر ۔”پپو پٹھان کی بیٹی کو بھگا کر لے گیا اس فقرے کو مستقبل میں تبدیل کرو“۔

طالب علم ۔”پپو کی نمازِ جنازہ شام چھ بجے شہیدوں والی جنازہ گاہ میں ادا کی جائے گی “۔

16

استاد نے سکھ سے کہا تمہارا بیٹا فیل ہے یہ دیکھو اس کی رزلٹ شیٹ ۔

ریاضی 19

اسلامیات 21

انگلش 20

سائنس 19

اردو 18

ٹوٹل 97

سردار بولا ”ٹوٹل وچ تے کمال کر دتا ہس ۔اس سبجکٹ دا استاد کیڑا ہے “۔

17

استاد نے پوچھا ۔”اگر تمہارے دوست کو دو سو کی ضرورت ہو اور تمہارے پاس پانچ سو کا نوٹ ہو ....تم وہی نوٹ اس کے حوالے کرتے ہو تو وہ کتنے پیسے واپس کرے گا ؟“

شاگرد ”کچھ بھی نہیں “

استاد ”تم حساب کے بارے کچھ نہیں جانتے “۔

شاگرد ۔”سر آپ ان بے غیرتوں کے بارے کچھ نہیں جانتے “۔

18

شیخ مرتے وقت ۔”میری بیو ی کہاں ہے ؟“

بیوی ۔”میں یہاں ہو ںآپ کے پاس “

شیخ ”میرے بیٹے ،بیٹیاں کہاں ہیں سارے “۔

تمام یک زبان ہو کر ۔”ہم آپ کے پاس ہی ہیں ابو جان “۔

شیخ ”تو پھر ساتھ کے کمرے میں پنکھا کیوں چل رہا ہے ؟“۔

19

خان صاحب ایک دوست کے گھر گئے تیز بارش شروع ہو گئی پٹھان کے دوست نے کہا یار آج یہیں رہ جاو¿ بارش بہت تیز ہے ۔خان صاحب بولا ٹھیک ہے اس کا دوست اس کے لےے بستر ٹھیک کرکے فارغ ہوا دیکھا تو خان صاحب غائب تھا ،تھوڑی دیر بعد خان صاحب بارش میں بھیگا ہوا اس کے پاس آیا دوست نے پوچھا کہاں گئے تھے خان صاحب نے جواب دیا ہم گھر والوں کو بتانے گئے تھے کہ آج بارش کی وجہ سے ہم دوست کے گھر رات گزاریں گے ۔

20

ایک دریا کے کنارے دو سردار دریا کے اندر چمچ سے دہی ڈال رہے تھے ۔ ایک پٹھان وہاں آیا اور پوچھا ”بھائی یہ کیا کر رہے ہو ۔؟“

سردار بولے ”ہم لسّی بنا رہے ہیں “

پٹھان ”ہا ....ہا....ہا او پاگل کے بچو اسی لےے لوگ تم پہ لطیفے بناتے ہیں اتنی لسّی پیئے گا تمہارا باپ ؟“

21

”وائف ،بیوی اور بیگم میں کیا فرق ہے ............؟“

” کچھ نہیں میرے دوست یہ انڈیا ،بھارت اور ہندوستان کی طرح ایک ہی مصیبت کے تین نام ہیں ۔“

22

فقیر فون پہ ”ہیلو پیزا ! ہٹ “ 

آپریٹر ”یس سر “

فقیر ”31 بڑے پزا 6چکن اور 2پیپسی بھیج دو ۔“

آپریٹر ” کس کے نام پہ ؟“

فقیر ”اللہ کے نام پہ ۔“

23

ریس دیکھتے ہوئے پٹھان نے اپنے ساتھ بیٹھے بندے سے پوچھا انعام کس کو ملے گا؟“ اس نے کہا ” سب سے آگے والے کو ۔“

پٹھان :”تو یہ پیچھے والے کیوں دوڑ رہے ہیں ۔“

24

:سردار

Nothing

کا کیا مطلب ہے ؟

“ ٹیچر ”کچھ نہیں ۔“

سردار ”بے غیرتی نہ کر اگر لفظ بنایا ہے تو کچھ مطلب تو ہو گا ۔“

25

لڑکی استاد سے ”یہ پیار کیا ہوتا ہے ؟“

استاد :”جب تم بڑی ہو کر اچھی بچی بنو گی تو تمہیں بھی ایک پیار کرنے والا ملے گا ۔“

لڑکی :”اگر میں اچھی بچی نہ بنی پھر ؟“

استاد :”پھر کئی پیار کرنے والے ملیں گے ۔“

26

پٹھان نے اپنی قضا نماز کی نیت کی : ”2رکعت نماز فرض قضا فجر ، 4نومبر 2008 5:20 والا نیا ٹائم اللہ اکبر ۔

27

پٹھان:

I am going۔

” کا کیا مطلب ہے ؟“

پروفیسر : ”میں جا رہا ہوں ۔“

پٹھان: ”ایسے تو تیرا باپ بھی نہیں جا سکتا پہلے مطلب بتا ۔“

28

پٹھان کو کسی نے دعوت پر بلایا پٹھان اس کے گھر گیا تو وہ نہیں تھا اور دروازے پر تالا لگا ہوا تھا ،پٹھان کو غصہ آیا اور اس نے دروازے پر لکھ کر لٹکا دیا کہ۔ ” میں آیا ہی نہیں تھا ۔“

29

باپ بیٹے سے ”پڑوس کی لڑکی کو دیکھو امتحان میں فرسٹ آئی ہے “

بیٹا ” اسی کو دیکھ دیکھ کر تو فیل ہوا ہوں ۔“

30

سردار ”جدوں میری نویں نویں شادی ہوئی سی تو مجھے تیری بھابی انیں چنگی لگدی سی کہ میرا دل کردا سی کہ انوں کھا جاواں “

دوست ”اور اب “

سردار ” کھا ہی جاندا تے چنگا سی “

31

دو سردار جنگل میں گئے سامنے سے شیر آگیا ایک نے مٹی اُٹھا کر شیر کی آنکھوں میں ڈالی اور بھاگنے لگا دوسر ا کھڑا رہاوہ اُس سے بولا ” اوے بھاگ “

دوسرا بولا ” میں کیوں بھاگوں مٹّی تو توُ نے ڈالی ہے “

32

سردار بیٹے سے ”اوے تیرے رزلٹ کا کیا بنا “

بیٹا ”مس کہندی اے اس کلاس وچ ایک سال اور لگانا پڑے گا۔“

سردار ”سال بھانویں دو تین لگ جانڑں پر فیل نہ ہوئیں میرا پتّر “

33

پہلا دوست ” یار میں جس لڑکی کو چاہتا تھا اس نے مجھ سے شادی نہیں کی “

دوسرا دوست ” تم نے اسے بتایا نہیں کہ تمہارا چچا کتنا امیر آدمی ہے “

پہلا دوست ” بتایا تھا ۔“

دوسرا دوست ” پھر ؟“

پہلا دوست ”پھر کیا ابھی وہ میرچچی ہے “

34

وکیل ”مائی لارڈ قانون کی کتاب کے صفحہ نمبر 15کے مطابق میرا مﺅکل بے گناہ ہے “

جج ” کتاب پیش کی جائے “ کتاب پیش کی گئی ،جج نے مطلوبہ صفحہ کھولا تو اُس میں پانچ پانچ ہزار کے دو نوٹ رکھے ہوئے تھے ۔

جج ”اس طرح کے دو ثبوت اور پیش کےے جائیں “

35

پٹھان جراسک پارک فلم دیکھ رہا تھا فلم میں ڈائینو سارس سکرین کی طرف دوڑا اور پٹھان جلدی سے اٹھ کر باہر کی طرف بھاگا اس کے دوست نے اسے کہا کہ ” بیوقوف ڈر کیوں رہے ہو یہ تو صرف فلم ہے “

پٹھان ”مجھے بھی پتہ ہے کہ یہ فلم ہے مگر اسے کیا پتہ وہ تو جانور ہے “

36

پٹھان۔ ”جب ہم چھوٹا سا تھا تو مینارِپاکستان سے گر گیا تھا “

دوسرا پٹھان ”پھر تم مر گیا تھا یا بچ گیا ؟“

پہلا پٹھان ”ہم کو یاد نہیں ہم اس وقت چھوٹا تھا “۔

37

پٹھان دوسرے پٹھان سے ”اوے تمہارے چھوٹے بھائی کی مونچھیں ہیں اور تمہاری نہیں ؟“

پٹھان ”اس میں حیرانی کی کیا بات ہے وہ باپ پہ گیا ہے اور میں ماں پر ۔“

38

استاد پٹھان سے ” کہانی سناﺅ “

پٹھان ”ایک دن ہم ان کے گھر گیا تو وہ سوئے ہوئے تھے ، ایک دن وہ ہمارے گھر آئے توہم سوئے ہوئے تھے “

نتیجہ ”جیسا کرو گے ویسا بھرو گے “

39

بیوی شوہر سے ”سنا ہے آپ کا دوست غلط لڑکی سے شادی کر رہا ہے آپ اس کو روکتے کیوں نہیں ۔“

شو ہر ” میں کیوں روکوں اس کمینے نے مجھے روکا تھا کیا “۔

40

ایک عورت پٹھان انسپکٹر سے ”میرا شوہر ایک ہفتہ پہلے آلو لینے گیا تھا ابھی تک واپس نہیں آیا “۔

پٹھان ”تو بہن کچھ اور پکا لو “۔